AZƏRBAYCAN RESPUBLIKASININ ORDU QURUCULUĞUNUN
100
illik tarixi
Azərbaycan özünü xarici müdaxilələrdən
müdafiə etmək, daxili düşmən qüvvələri zərərsizləşdirmək üçün 1918-ci il iyunun
26-sı Azərbaycan Milli Ordusunun yaradılması haqqında qərar qəbul edərək nizami
ordu quruculuğuna
başladı. Yaradılan ilk
kabinədə Azərbaycan hökumətinin Hərbi naziri vəzifəsinə general Xosrov bəy Sultanov
təyin edildi.Çar Rusiyası dövründə «Дикая дивизия» (“Vəhşi
diviziya”) adlanan keçmiş Tatar Süvari Alayının əsgərlərindən
formalaşdırılmış Müsəlman korpusununəsasında 5000 nəfər şəxsi
heyəti olan “Əlahiddə Azərbaycan korpusu” yaradıldı.1918-ci ilin iyul ayının
11-də Milli Orduya çağırış haqqında əmr verildi və 24–29 yaşlı kişi cinsli vətəndaşlar
səfərbər edildi. Həmin ilin dekabr ayının
26-da tam artilleriya generalı Səməd
bəy Sadıq bəy oğlu Mehmandarov Hərbi nazir vəzifəsinə gətirildi. O, xalqa
müraciət edərək bildirdi ki, ölkəmizin bütün vətəndaşları– istər kasıb, istərsə
də dövlətli – eyni şəkildə hərbi qulluq göstərməlidir.
Milli hərbi kadrların hazırlanması məqsədilə
Hərbiyyə, İstehkamçılar, Hərbi
dəmiryolçular və Hərbi
feldşerlər məktəbləri yaradıldı. Əsgər və zabitlər üçün
rütbələr tətbiq edildi. Qısa
müddət ərzində Azərbaycan Xalq Cümhuriyyəti artıq
30 min nəfər piyada və 10
min nəfər süvaridən ibarət nizami orduya malik idi.
Azərbaycan Silahlı Qüvvələrinin 100 illiyi
münasibətilə keçirilən hərbi parad
Hiç yorum yok:
Yorum Gönder